«Дастаи мо ба бозии Суперҷоми Тоҷикистон омодааст. Ин вохӯрӣ нишон медиҳад, ки то куҷо тайёрӣ дидаем. Моро бозии душвор интизор аст, зеро «Регар-ТадАЗ» дастаи хуб ва муташаккил буда, дар гурӯҳи пешсафони чемпионати Тоҷикистон қарор дорад.

Барои пирӯз шудан дар чунин бозӣ тамаркузи баланд, ирода ва интизоми комил лозим аст. Рӯҳияи футболбозон хуб аст. Мо тамоми кӯшишро ба харҷ медиҳем, то мухлисонро бо пирӯзӣ шод карда, аввалин ҷомро дар мавсим ба даст орем.

Аз фурсат истифода бурда, ҳамаи мухлисонро барои дастгирии ҳарду даста ба варзишгоҳ даъват мекунам. Бовар дорам, ки моро бозии ҷолиб интизор аст», – гуфт Виталий Левченко.

 Алишер Ҷалилов:
 «Мо медонем, ки муқобили «Регар-ТадАЗ» чӣ гуна бозӣ кунем. Дар оғози мавсим бо ин даста рақобат карда будем ва аз имкониятҳои он хуб огоҳем. Бовар дорам, ки рақобат ҷолиб ва пуршиддат хоҳад шуд.

Мо талош мекунем, ки ҷоми навбатиро ба хазинаи дастовардҳои бошгоҳ ворид кунем. Барои «Истиқлол» ҳар мусобиқа аҳамияти калон дорад ва даста ҳамеша танҳо барои пирӯзӣ вориди майдон мешавад», – зикр намуд Алишер Ҷалилов.

РАСМ: https://t.me/fcistiklol2007/37073